Co penso e parlo dei tempi mii, desto l’idea de aver mile ani, de esser sciocà in testa.
Tuta qua sta la storiela.
In quel tempo ognidun viveva del proprio mestier distinti nei ruoli, far e brigar; insoma se viveva de certezze.
Ovio con le tre “M” maiuscole: «modestia, moderazion, e misura.»
La generazion dopo la guera, nel ‘68 ribele, insoferente, stanca del veciume tenace e rabiosa, trova el teren fertile per l’età nova; muta con i oci tuto e i risvolti li vivemo ancora ogi.
Qualche esempio?
In amor semo passai dal matrimonio, cioè coniugi, al più liberale legame “compagni”.
Cussì ne la vita de tuti i giorni (fin che la va)! Lu el compagno: ogi toca a mi? doman toca a ti!
e anca:
sta roba xe mia!... sto altro xe tuo?...
Ben, bon.
Insoma, de tuto e de tuti in circumcirca; che no fila lisso mai in confusion.
Però dopo;
Lu:
la colpa xe tua!
Ela:
la compagna, nooo...la colpa non xe mia! e altro a longo n’dar, per compagnia.
Al più picolo segno de crisi, barufe, e... tra noi xe tuto fini!
No te xe più ti la mia compagna: go un altro amor Gigeta.
Ael lora dividemose subito, ognidun per le sue, ma per colpa tua, no mia, va ben?
Ah, no bel, no caro! e vice serva... che non xe mai el perché, de chi, e come!
Alora la storiela scominzia pesante con l’avocato Qui!
Me ricordo ciaro che con mio fradel più picio sistemai in una carozela blu scuro foderada a ricami e merleti zo per via Molin a Vento.
In portamento regale che nostro papà gioviale scherzoso, non bituà a menar eredi, per farse veder, molà ga la carozela un atimo in bando; con noi do drento però.
Rati semo filai dal marciapìe in curva driti driti sul mureto dirimpeto.
Elio, per fortuna, indene, ma mi con un bel bernocolo silente vispo stampà in testa.
Bona de Dio che mia mama no ga fiatà.
Brava, ma in lagrime, senza tragedie socorer tuti e tre e lenir mio papa disperà.
Tuto ben quel che finissi ben. Li ripenso e li rivedo, o mii genitori, giovani, sgai, alegri, prima de la guera anni’30 a vita intiera insieme,cuor e mente.
Non xe mai un mal che non sia un ben.
Infati el gnoco xe sparì presto, ma el me xe rimasto sempre drento e a didascalia de sta storiela.
Ga passà la guera, xe scomparsi i regimi, dolori e guai infiniti mio papa a 65, mia mama a 97 no i xe più oviamente e mi a 83 grato, dei genitori scrivo con tuto el cuor e li ripenso spesso che son sta educa sempre a freno, a pazienza, e a Divina Provvidenza piacendo.